Himantayon nga Kagay-anon

Niadtong niaging bulan sa October 18,2008 mao ang Lanzones Festival sa Camiguin Island. Wala jud ko naka adto nga taga didto man unta akong mama. Tungod sa ka busy sa trabaho ug medyo apeke kay mao na nga time nga nag andam pud ko para sa akong travel paingon sa General Santos City kay mao to akong gi apilan nga 2nd Mindanao Bloggers Summit. So, murag gipa ulahi nalang sa nako ang Camiguin, total dali ra man sad na kay naa ra dinhi doul sa Cagayan de Oro ug perme na sad ko adto didto kay naa man yuta akong mama didto ug daghan pud ko mga paryente didto, ako mga ante ug angkol ug mga ig-agaw.

Naa pud mi Lanzonesan didto pero ako na ante nag atiman… hulat lang mi kung padad-an ug lanzones dinhi sa CDO. Pero nag storya akong agaw nga karun tuiga gamay ra kaayo bonga sa lanzones ug medyo nag celebrate sila sa Lanzones Festival nga perte ka gamay ra kaayo ang lanzones. Tapos kabalo ba kamo nga ang presyo karun didto sa lanzones taga liog, muabot ug tag 70-80 per kilo? Last year nga naa naman ka ma palit nga tag 25 per kilo. Nalingaw pa man gani ko ug pangharvest sa Lanzones last year didto uban akong ig-agaw. karun hinoon kay medyo walay kita kay gamay ra tawon, mao nga wala mi napadad-an ug lanzones dinhi.

Kapoyan lang pud ko adto sa Camiguin before kay mag travel pa ka mga 1-2 ka oras paingon sa balingoan by Bus, tapos didto na dayon ka musakay ug mga 45 minutes ride sa ferry boat patabok sa Camiguin. Maong kapoy kay sa Bus pa lang nga 1-2 hours travel bun-ug na imo lawas, unya pag-abot sa pantalan sa camiguin sakay na pud ka jeep or van paingon sa Catarman or Mambajao. Pero karun kay naa naman Paras Seacat - fast craft ferry boat nga mudagan lang ug mga 2 ka oras paingon sa Camiguin direct from Cagayan de Oro. Ang fare sa SeaCat is mag range ug 500 pesos to 700 pesos. Wala koy lista sa ilang Ferry Schedules pero pwede ka mutawag sa Paras Beach Resort - CDO Booking Office at Tel. No. (088) 8568562. Paras Beach Resort manages the Paras Sea Cat operations.

So, sa sunod nako plano nga muadto sa Camiguin mas dali na kay naa naman direct ferry going didto. Pero sa pagka karun, isa ra daw ka fast craft ang travel karun pero plano daw sa management sa Paras nga mag dugang sila ug isa or duha ka fast craft kung tan-aw nila nga kusog ang ilang kita.

Pina-agi aning project sa Paras, mas mapalambo na jud ang Province sa Camiguin ug mas dali na siya ma adtoan sa mga turista.

Mabuhay ang Camiguin! Bisita na mo!

Mga Choi, dugay na ko wala naka update sa ako blog pero adtong Semana Santa, didto ko sa Camiguin mag laag2x, pastilan perte ka init kay nag baklay man mi sa Camiguin. nag adto sa mga tourist spots didto nga ma-anindot jud. White Island lang daan, lupig pa ang Boracay Island sa kaputi sa balas, White Sand Beach Island jud. Pero ingon sa uban White Sand Bar jud daw ang sakto nga tawag kay sand bar ra jud daw na siya. Pero bisan unsa pa ila tawag ana chada jud kaayo siya nga lugar. Nag saka pa jud mi sa Walk way nga perte ka kapoy sa amo gisakaan kay taas kaayo. Nagligo sad mi sa Ardent Hot spring and Sto. Niño Cold Spring didto, Niadto pud mi sa Nindot ug Chada kaayo nga Katibawasan Falls. Grabe ka bugnaw sa tubig didto. dili ka mapura ug ligo kay maka undang jud ka ug ligo sa kabugnaw sa tubig. Nag adto mi sa sunken Cemetery, sa Old church ug uban pa.

Para makita jud ninyo ang ka nindot sa Camiguin tan-awa amo picture sa ako multiply.

Camiguin Island Tour photos