Pasko, Paksiw, Pakso, Paskiw!!!
Published on November 9th, 2008 by: Lito in: Walay Lingaw
Duol na jud ang pasko! Pero sa dihang gaka tigulang ko, murag dili naman ko gaka-excite kung muabot na ang pasko. Ngano kaha? bitaw, sa una nga sip-onon pa ko… madumduman nako ako mga Maninoy ug Maninay, kabalo naka mangayo dayon ug pinaskuhan bisan September pa. Kay BER month na lagi daw kuno… Mao man gud mga tinu-ohan sa mga katigulangan… ambot sad nila oi, wala pa gani kalag-kalag ga una2x na ug pasko.
Sa una, gahangad pa ko sa krismas tri! Karun ga-gakus na mi.
Bitaw, mao na ang krismas tri ni Lia sa SMSI office. Si Lia Ch. F. gud kato ako friend nga vegan nga tua na sa Manila karun. Siya ang nag decorate ana ug “I KINDA LIKE IT” char! Ambot unsa na kaha hitsura anang krismas tri karun nga wala na si Lia. Basin si Fiona na ang mag decorate ana… basin mapuno na sad na ug Herbalife products ang nag bitay ana diha. (Ehehehe… peace!)
So, karun nga tigulang na… este, edad-edaran na, murag wala nay excitement (oi english na ha) ang pasko. Kabalo mo ngano? Tungod kay wala naman muhatag sa ato ug Bobot peanut candy, dulaan nga pataban sa envaders, singko pesos nga papel with dos pesos nga gering-gering nga naay punoan sa lubi, piso nga kabaw ug sengkwenta sentimos nga lawin, naa pa jud bente-singko sentimos nga alibangbang. Asa na kaha tong mga kwartaha to no? Gimingaw na ko ato nga mga kwartaha. Kinsay naa pa’y in-adto nga kwarta kay paliton nako ug dollar (char!).
Dili na pud exciting ang pasko kung edaran na ta, kay kita naman ang galakagon sa atong mga binata kung doul na ang pasko. Kung dugay pa ang pasko, labay2x lang ni mga binata nato silingan ra ang pagtagad, pero kung duol na ang pasko aguy, kugi na kaayo mag-amin, tapos tawagon na ka ug Ninoy ug Cory… Aw! Ninoy ug Ninay diay kung sa uban Ninong/Ninang. Unya bisan bukid kaayo ni akong gipuy-an nga mag sakay pa ka ug habal-habal para lang maka abot dinhi kay anhion jud ka sa balay. Aguy… kaning mga bataa gapabuyag man, ako pa jud ang ilaron nga mao bya japon na akong buhat sa una.
Pero sige nalang… tagu-tago nalang dayon ta ani sa ila kay hightech na bya ning mga bataa ni… ang uban gapangayo na ug cellphone. Hayahay kaayo sila… Nokia 5110 ra man gani ni akong cellphone tapos mag demand pa sila ug “kanang naay camera ninoy”, Uy! sosyal. Sige, with camera diay inyong gusto ha, kaning akong 5110 bugkusan lang nako ug lastiko para uban sa akong de-film nga camera, payts na ni!
Naa pud ni uban mga bata nga mag-caroling pero tibuok adlaw sa December mao rang dagwaya gabalik-balik ug pang-caroling kada gabii sa balay. Hala sige! balik-balik mo kay daghan naman ko bente-singko sentimos gi-tigom sa akong Spiderman nga lugi-an.
Ug pag-abot sa adlaw sa Pasko… Health conscious naman daw kuno kay medyo edaran na bya… so dili na sad mag enjoy sa kaon kay bawal ang PORK, bawal ang BEANS, bawal ang Shrimp… hadlok magka Memory gap kung datu… (Bongawon kung sa pobre).
So, mao jud na nga dili na excited ang pasko para sa ako nga edaran na… 18 years old na bya ko. Ayaw na ug palag kay katulgon na ko.
Tags: christmas, ninang, ninong, Pasko
November 9th, 2008 at 2:27 pm
pagkachuyens sakto jud imo giingon usahay nalng ta makakita anngg mga kwartaha sa pagaabot sa mga bag-o nga kwarta karon lau ra kaau sa tinood , mas bibo jud saunang panahon nga bata pa ta ky kita may mangayo karon kita namay panga-uan yoan
November 9th, 2008 at 5:39 pm
hehehehe .. choyens kaayo bai ! hehehe
November 9th, 2008 at 6:11 pm
Eheheheh… mao na ang bunga sa dili katulog ug sayo tungod sa insomnia.
November 13th, 2008 at 2:21 pm
hahaha..malingaw ko sa cellphone with cam..saon nalang kung ingana akong celfon…
November 13th, 2008 at 10:16 pm
Wakokokok… nice na siya mhai… new model…
November 16th, 2008 at 9:35 am
hahaha. mura ko gi gitik sa cellphone with cam. ahha
November 16th, 2008 at 11:29 pm
Gusto ka gitikon pa ka nako utro? wehehehehe
December 10th, 2008 at 7:48 pm
hahaha.. maybe its funny! but n0!