Himantayon nga Kagay-anon

Maayong adlaw mga Choy ug chay! SONA na pud ni President Arroyo karun lunes July 28, 2008. Ika 8 na ni niyang nga SONA since nag start siya ug pagka presidente sa Pilipinas niadtong nataktak si Joseph Estrada sa pagka presidente. Karun mutoo pa ba kamo sa iyang mga ipang-saad na sad sa mga tao nga palpak? Ako dili na jud ko mutoo sa mga pulitiko karun hangtod nga makakita ko ug tinuoray nga muserbisyo sa mga tao. Daghan ang gusto nga mu-resign nalang si President Arroyo pero sa ako pag tan-aw dili na kailangan nga ipa resign nato siya. Kay dili man jud solusyon ang pag patalsik nato sa atong presidente, hinoon dapat mag andam na ta para sa sunod eleksyon kung kinsa ang dapat nato himoon nga mag dala sa ato karun 2010 election.

So, karun lunes ang SONA ni Presidente arroyo para nako Botbot lang na tanan… useless, walay bili ug usik lang sa panahon. Para nako dapat dili na ta mag focus sa iyang mga pasalig kay kabalo naman ta nga walay klaro ang iya mga saad. Tan-awa karun unsay nahitabo? mahal na kaayo ang bugas, ang gasolina, pletehan sa jeep ug uban pa. Mao ba na ang mga gi saad niya sa una niya nga SONA? Kailangan nato karun nga mulihok siya ug uban nga pulitiko nato, dili mag sige lang storya walay action.

Sige mga Choy ug chay, dinhi lang sa ko taman kay naa pa ko buhaton. Maayong adlaw sa inyo tanan.