Himantayon nga Kagay-anon

Usa ka Negosyanteng Insik nga si Samson Hao nga taga Cagayan de Oro ang gi-kidnap niadtong August 24, 2007, Friday. Gipangita kini siya sa iyang banay sugod adtong adlawa kay wala naman naka uli sa ilang balay ang maong tao, unya ang iyang sakyanan gibilin lang sa Divisoria. Naghulat ang mga kabanay sa maong biktima sa tawag sa mga kidnapper kay basin mangayo ug ramsom pero walay nanawag nga nangayo ug kwarta para malukat si Samson Hao. Apan ganina, nakurat nalang sila kay naay napalgan nga patay sa Iligan City ug gi confirm sa mga kapamilya ni Hao nga siya gyud daw kuno ang maong patay. Ang iyang lawas na puno sa 24 ka dinunggaban ug pusil. grabe ka brutal ang pag patay sa iya… makita nimo nga naa jud kasuko ang maong tao nga naghimo sa iya.

Daghan mga anggulo ang gi tan-aw sa mga pulis sa maong krimen. Pero ang akong amiga nga barkada ni Samson Hao nag ingon sa ako nga naa silay duha nga gika tan-aw nga anggulo, una nga kani daw si Samson Hao naay uyab nga Muslim nga minyo daw ug basin daw nasuko ang mga kabanay niya, ug ang ikaduha nga anggulo mao ang kaniadtong carnapper sa iyang sakyanan sa una nga na priso nakagawas na daw sa prisohan ug basin mao kini ang nanimalos sa iya ug gipatay siya.

Karun gi imbistigahan pa ang maong krimen sa mga kapulisan.

Mao ni mga pictures sa 1st Float parade competition adtong nilabay nga adlaw sa Agosto 27 sa dalan sa Velez dinhi sa Cagayan de Oro City.

Ug naa sad mga banda nag marcha dungan sa Float parade, mga boy scout ug girls scout, mga ROTC cadets ug cadettes ug uban pa nga mga grupo ni apil sa maong padara. Chada gyud siya kay bibo ug colorful kaayo ang parade, pero nabantayan lang nako nga ang mga tao halos nag patunga na sa dala, mao nga wala jud kaayo nako nakita ang tanan nga view sa mga float kay daghan tao ga patunga sa dalan. Maayo unta sa sunod tuig, kailangan ang mga tao dili sa dalan magtan-aw kundili sa sidewalk lang sila mag tan-aw para mas chada jud ang parade ug mas makita jud nimo ang ka chada sa mga pasundayag.

Maayong adlaw sa inyo tanan mga bisaya!

Mao ni ako pinaka-una nga pag himo ug post ani nga blog. Gitunong gyud nako ani nga adlaw August 28 kay mao ni ang adlaw sa Fiesta sa Cagayan de Oro City, ang syudad kung asa ko natawo ug nag puyo.

Mag sugod ko ug istorya mahitungod sa mga nahitabo sa fiesta dinhi sa Cagayan de Oro karun. Pasensya lang kay wala ko naka tan-aw sa Miss Kagay-an Tourism pageant kay gikapoy ko ug lakaw adtong August 25 kay medyo busy ko sa ako mga buluhaton sa trabaho sa balay. Pero adtong August 26, kay Sunday man nakalakaw ko ug sayo sa balay. Dayon si mama ra ang nag bantay sa tindahan so naka lugar jud ko ug lakwatsa. Natunong sad nga Kagayhaan Street Dancing Festival man diay to nga adlawa so nag agpas ko ug adto sa dalan sa Velez Street kay diha man gyud na mu-agi ang street dancing contengents. Mga alas otso to sa buntag , pag abot nako didto dapit sa dalan sa Velez tungod sa Sport center, natingala lang ko kay mingaw kaayo… walay nag sayaw2x sa dalan. Nisulod ko sa Sport Center lain man ang nag pahigayon sa presentation didto, kana man gubat2x nga naka uniform ug sa sundalo. dayon gamay ra kaayo ang nag tan-aw. Abi nako nga wala pa nagsugod mao nga ako gisubay ang dalan sa Velez padulong sa Divisoria pero mingaw gyud ang syudad unya daghan Pulis, abi gyud nako naa nahitabo nga terrorist attack. Tingala gyud kaayo ko, ang ako nakita kay pariha sa mga makita nimo sa salida nga gubat sa Sine. kana gamay nalang tao ga tikaw2x sa lugar.

Wala ko ka pugong nangutana gyud ko sa isa ka Pulis nga nag tindog sa kanto sa dalan sa Divisria. Nangutana ko kung asa diay ang Street Dancing Festival Competition? Ngano mingaw man ang syudad? Gitubag dayon ang Pulis, Ahh… tua sa Don Mariano Polytecnic College. OMG! ulahi diay kaayo ko. mao nga nagpasalamat dayon ko sa Pulis dayon nag para ko sa Taxi nga nilabay paingon dayon mi sa Don Mariano Polytecnic College. didto nako nakita nga bantug ra mingaw ang Divisoria kay ang mga tao tua halos tanan sa Don Mariano Polytecnic College. Timing sad ko nga wala pa nag sugod ang showdown kay bago pa diay naka abot tanan gikan sa Street Dancing. Didto sa Soccer Field sa Don Mariano gipahigayon ang showdown. pag abot nako nangita ko ug Plastaran nga lugar para maklaro jud nako ang showdown. Pagkita nako sa Field pastilan, grabe ka pita kay nag-ulan man diay gabii.

Mao nga nagsugod na ang showdown maayo ang mga pasundayag sa mga nag apil sa maong Kompitisyon nalipay gyud ko kay maayo ang ila presentasyon. Pero daghan gyud na slide sa dihang kamulo ug pasundayag kay pita man ang field nga ila gisayawan. Wala ko naka dala ug Digital Camera adto mao nga ako Nokia Camera Phone ako gamit. Pasensya lang gyud mga amigo/Amiga/Choi/Chai kay medyo hanap jud ang mga picture nga ako nakuha sa maong higayon. Tan-awa lang dinhi:

Nakita nimo nga grabe ka pita sa ila gi sayawan? tan-awa ila costume sa ubos, makita nimo nga itom na ang color tungod sa pita.