Himantayon nga Kagay-anon

Doul na ang pasko, pero para sa mga empleyado diha sure na, klarex jud nga naghulat jud mo sa 13th month pay ug Christamas bonus.Dapat naman, kay mandatory man jud na sa labor code of the Philippines ang 13th month pay para sa mga employee, basta naka render na ang employee at least 1 month service sa ilang company nga gitrabahoan pwede na jud na siya maka dawat. Ayaw jud ninyo tuguti nga dili mo makadawat kay sa gusto ug sa dili anang inyong employer, kailangan jud nila maghatag ug 13th month pay. Pero ang Christmas bonus optional lang jud na. Pero kung maayo, kugihan, honest ug the best ka nga empleyado, kinsa ba sad employer nga baga ug dagway nga dili muhatag sa imo ug bonus basta naa lang budget diba?

Anyway, kung dili mo tagaan ug 13th month pay bisan sobra na sa isa ka bulan mo nagatrabaho ana nga company, igna lang ko kay akong lola si PGMA Gloring. aheheheh… Bitaw, timan-i na ninyo ha… 13th month pay is a mandatory law. Naa ra ba ko nahibal-an uban nga company diha specially dinhi sa Cagayan de Oro City nga gahimo-himo ug gabuot-buot sa ilaha nga kaugalingon nga labor law. Aguy… bantay mo diha, kay medyo nag strikto na ang DOLE - Department of Labor and Employment, tapos ang BIR - Bureau of Internal Revenue strikto na pud. Ang mga ITR sa mga empleyado diha atimana intawon, tapos naa pa sad usahay nga kuhaan na ang empleyado ug PhilHealth ug SSS deductions bisan wala pa SSS and PhilHealth number ang maong empleyado. Aguy, in the first place before ang empleyado maka sulod sa isa ka company mandatory naman unta na ang SSS, PhilHealth ug TIN number. Ngano kaha?

Balik na ta sa 13th month pay ug Christmas Bonus… Aguy, murag gahinam-hinam na dayon mo ug huna-huna kung unsa inyong paliton kung mag shopping mo with your 13th month pay ug Christmas bonus no? Maayo pa mo kay naa… ako ani wala… ehehehe… Pero sa tinood lang, kailangan walaon na jud nato na ang attitude nato nga magsalig lang sa sweldo, tapos pag abot sa sweldo mahurot na dayon. Wala ka ba nabalaka, nga kada adlaw mag sayo ka mata tapos agpas ka sa imo lihok, kay mag trabaho ka para maka kwarta? Ang uban muingon nga “they work at the office or company to make money”. Pero ang tinood “They are just only working for the Boss to get rich, for them to give their salary every month”. They are not making money, they are only working for money. Aw! Englis man diay to… nasaniban sad ko ug spirito ni Sen. Miriam Defensor-Santiago gamay da.

Bisan pa nga grabe nimo ka kugi ug trabaho tapos tagaan ka ug raise, mabantayan nimo nga sa dihang gataas imo sweldo, gataas pud ang imong gasto ug utang? Tungod kana sa mind setting mostly sa mga empleyado nga kung taas na imo sweldo, pwede na ka maka palit or utang sa mga mahalon sad nga butang. So, Mao ra japon nga problema bisan gataas na imong sweldo… everyday ga agpas pa japon ka sa imo lihok, sayo mata ug mataranta kay late na sa trabaho.

Para sa ako, maayo nga mag trabaho ka ug sakto sa imo gitrabahoan ug gamita na imong trabaho para maka learn ka giunsa sa boss pagkadatu. In other words, pagtoon diha sa imong gitrabahoan para ma expert ka ana nga field ug gikan sa imong sweldo mag invest ka para maghimo pud ug business kung asa ka expert, pariha sa imong trabaho karun. Mind your own business kumbaga. Ako, wala pa ko nag mind my own business, ga think pa ko kung unsa ako business puhon, kay ako pa gipataas akong assets column ug medyo ga struggle pa ko pag paubos sa akong liabilities column sa akong financial balance sheet… Char! murag korek sad akong mga gipang storyahan dinhi, ug medyo nag seryuso ko. Unsa kaha akong nakaon nga wala pa man tawon ko’y nakaon kay bago pa ko nimata.

Bitaw, sa mga naghulat ug 13th month pay diha, pa cheese burger naman mo diha beh with fries and drinks upgrade dayon ha. Pero kung naa kay inun-unan diha pwede na kay galaway pa japon ko sa sud-an nga inun-unan. Ug dinhi nalang sad ko taman kay wala pa koy pamahaw, mugawas sa ko dinhi sa kwarto kay basin inun-unan ang giluto nga sud-an ni mama. Pero ayaw ko kalimti kung maka dawat na mo sa inyong 13th month pay ha, ihatag bitaw na on or before December 24.